Musig
Musig
Buechä
Konzärt
Ich spiele a Hochziite, Geburtstäg, Beärdigunge oder Gschäftsaläss. All zäme gnüsemer besinnlichi Musig und chönd äfach so si wiemer sind.
Workshop
Wenn ihr nöd e zgrossi Gruppe sind, chömmer das ganze au chli interaktiver mache: Mir chöntet zäme singe, improvisierä und achtsam losä.
Konzert
Dur mini Lieder und mini ruhigi, spontani Art enstaht e besinnlichi Konzert-Athmosphäre, wo sehr guet i Kulturlokal oder Wohnzimmer passt.
Workshop & Coaching
Mir chönd zäme singe, Gedicht und Lieder entwickle oder improvisiere: Je nachdem, was dini Gruppe und du bruched oder Lust druf händ.
Über mich
Ich bin en Zürcher Singer-Songwriter und schriibe besinnlichi Mundartlieder.
Ich möcht mit mine Musig Moment vode Rue und Verbundeheit schaffe inere beschlüünigte Wält.
Mini Usbildig zum Musigtherapeut und s Meditiere präged mis künstlerische Schaffe: Es interessiert mich, wie Musig Mensche mit sich selber und mit ihre Kreativität verbinde cha. Mini Konzert sind drum Begägnis- und Resonanzrüüm: Es hät Platz für Stilli und Improvisation. Mir gaht's nöd nur drum efach Lieder vorzträge, sondern Rühm z öffne, wo Mensche berüert werded und bewegt hei gönd.
Mundart spielt für mich debi e zentrali Rolle. Es isch die Sprach, wo ich drin denk, träum und gspühr. Für mich isch Mundart e unmittelbari, würdevolli Klangsprach, wo Verbindig schafft. Mini musikalische Iflüss sind de Mani Matter, Bob Dylan und italienischi Cantautori wie de Fabriozio de André. Ich han drus en eignigi Klangsprach entwickled mit Fokus uf Reduktion und Poesie.
Mit sächsi han ich gwüsst, dass ich Sänger werde möcht. Ich han i mim Zimmer in e imaginäri Kamera gsunge und devo träumt ufere Bühni zstah. Spöter hani wele Erfinder werde. Im Songwriting hani öppis gfunde, woni beides cha verbinde. Die chindlich Spielfreud nänn ich «Afangsfür». Us dere chindliche, kreative Energie entstönd mini Lieder und Begägnige.
